دبئی کے نئے ایئرپورٹ میں پاسپورٹ اور لمبی قطاریں ختم کرنے کا منصوبہ

دبئی میں سفر کرنے والوں کے لیے بڑی آسانی کی خبر ہے۔ دبئی ایئرپورٹس کے سی ای او پال گرفِتھس نے بتایا ہے کہ المسکتوم انٹرنیشنل ایئرپورٹ کو اس طرح تیار کیا جا رہا ہے کہ مسافروں کو پاسپورٹ نکالنے یا چیک ان کی قطار میں کھڑے ہونے کی ضرورت نہیں رہے گی۔ چہرہ شناخت کرنے والی ٹیکنالوجی، اسمارٹ بیگیج ٹیگ اور آسان سیکیورٹی سسٹم متعارف کرائے جائیں گے۔ مسافر صرف ٹکٹ خریدیں گے، سامان کاروسیل پر چھوڑیں گے اور سیدھا جہاز تک جا سکیں گے۔ اس منصوبے کا مقصد ایئرپورٹ کے روایتی مسائل کو ختم کرنا ہے۔ یہ خبر ای آر اے نیوز گلف نے دی ہے۔