دبئی میں 44 سے زیادہ علاقوں میں مشترکہ رہائش کی اجازت جاری

دبئی میں رہائشیوں کے لیے اہم خبر سامنے آئی ہے۔ دبئی میونسپلٹی کے سرکلر کے مطابق 44 سے زائد علاقوں میں مشترکہ رہائش کی اجازت دی گئی ہے۔ کچھ علاقوں میں یہ سہولت صرف مخصوص حصوں تک محدود ہے جبکہ دیگر میں پورے علاقے میں اجازت ہے۔ ابو ہیل، المنخول، الہدیبیہ اور القصیص انڈسٹریل ایریا سمیت کئی علاقوں میں مخصوص حصوں میں اجازت دی گئی ہے۔ جبکہ کراما، البرشاء 1، النہدہ 1 اور 2، جمیرا 1، اور الورقاء 1 سمیت دیگر علاقوں میں مکمل اجازت ہے۔ نئے قوانین کے تحت ہر رہائشی یونٹ صرف ایک کیٹیگری کے لیے مختص ہو گا، یعنی انفرادی یا فیملی رہائش۔ کم از کم بیڈروم کا رقبہ فی فرد پانچ مربع میٹر ہونا چاہیے۔ سیاحتی اور کمرشل علاقوں میں صرف فیملی رہائش کی اجازت ہے۔ موجودہ پراپرٹیز کو 8 ستمبر 2027 تک اپنی حیثیت درست کرنی ہو گی۔ خلاف ورزی پر 500 سے 500,000 درہم تک جرمانہ عائد ہو سکتا ہے۔ یہ خبر ای آر اے نیوز گلف سے لی گئی ہے۔