یو اے ای میں سرکاری ملازمین کیلئے اسکول کھلنے پر لچکدار اوقات کا اعلان

یو اے ای میں سرکاری ملازمین کیلئے خوشخبری ہے، اب بچوں کے اسکول کھلنے پر والدین کو کام کے اوقات میں سہولت دی گئی ہے۔ وفاقی ادارے کے اعلان کے مطابق، پبلک سیکٹر ملازمین بچوں کے پہلے اسکول دن پر 3 گھنٹے تک دفتر آنے یا جانے میں لچک کی درخواست کر سکتے ہیں۔ جن کے بچے نرسری یا کنڈرگارٹن میں ہیں، انہیں پہلے ہفتے کیلئے یہ سہولت حاصل ہوگی۔ مختلف نصاب کے حساب سے مختلف تاریخوں کا بھی خیال رکھا جائے گا۔ اس کے علاوہ والدین اپنے بچوں کے پیرنٹ ٹیچر میٹنگ یا گریجویشن سمیت خصوصی مواقع پر بھی لچکدار اوقات کی درخواست دے سکتے ہیں۔ یہ اقدام 2024 سے نافذ ہے اور اس کا مقصد ملازمین کی سہولت کے ساتھ کام کی روانی برقرار رکھنا ہے۔ یہ خبر آپ تک ای آر اے نیوز گلف نے پہنچائی ہے۔