دبئی میں نیشنل منتھ تقریبات 3 نومبر سے شروع

دبئی میں نیشنل منتھ کی تقریبات کا آغاز 3 نومبر سے ہو رہا ہے جو 2 دسمبر تک جاری رہیں گی۔ برانڈ دبئی نے اعلان کیا ہے کہ اس موقع پر سرکاری، نیم سرکاری اور نجی اداروں کے تعاون سے مختلف ایونٹس اور سرگرمیاں منعقد کی جائیں گی۔ ان تقریبات میں یو اے ای کی قومی شناخت، ورثہ اور کامیابیاں اجاگر کی جائیں گی۔ اہم ایونٹس میں یو اے ای فلیگ ڈے، عید الاتحاد کی تقریبات، فلیگ گارڈن، یو اے ای پریڈ اور مختصر فلم مقابلہ شامل ہیں۔ ان سرگرمیوں کا مقصد رہائشیوں، شہریوں اور سیاحوں کو یو اے ای سے محبت اور وفاداری کے اظہار کا موقع فراہم کرنا ہے۔ ایونٹس کی مزید تفصیلات مہینے بھر میں جاری کی جائیں گی۔ یہ خبر ای آر اے نیوز گلف نے فراہم کی ہے۔