دبئی میں نیا نول-جیوان کارڈ اس ماہ پائلٹ مرحلے میں جاری

دبئی کے رہائشیوں کے لیے اب ایک ہی کارڈ کے ذریعے پبلک ٹرانسپورٹ اور دیگر ڈیجیٹل ادائیگیوں کی سہولت دستیاب ہونے جارہی ہے۔ روڈز اینڈ ٹرانسپورٹ اتھارٹی نے اعلان کیا ہے کہ اس ماہ نول-جیوان کارڈ کا پائلٹ مرحلہ شروع ہو رہا ہے۔ اس کارڈ سے ٹیکسی، پبلک پارکنگ اور دیگر پبلک ٹرانسپورٹ سروسز استعمال کی جا سکیں گی۔ نول سسٹم کو یو اے ای کے قومی کارڈ پیمنٹ اسکیم جیوان سے جوڑا گیا ہے۔ کارڈ ہولڈرز کو 120 سے زیادہ پروموشنل آفرز اور خصوصی رعایتیں بھی ملیں گی۔ یہ کارڈ اینڈرائیڈ اور آئی او ایس اسمارٹ فونز پر ڈیجیٹل ایکٹیویشن اور استعمال کی سہولت بھی فراہم کرے گا۔ آر ٹی اے نے ابھی یہ نہیں بتایا کہ یہ کارڈ سب کے لیے کب دستیاب ہوگا یا موجودہ نول کارڈز کو بدلنا ہوگا یا نہیں۔ یہ خبر ای آر اے نیوز گلف کے ذریعے پیش کی جا رہی ہے۔