یو اے ای میں حادثہ فری ڈے مہم کے ذریعے لائسنس سے بلیک پوائنٹس کم کرنے کا موقع

یو اے ای میں ڈرائیورز کے لیے اچھی خبر ہے۔ حادثہ فری ڈے مہم کے ذریعے وہ اپنے لائسنس سے 4 بلیک پوائنٹس کم کر سکتے ہیں۔ اس مہم میں شرکت کے لیے ڈرائیورز کو وزارت داخلہ کے سوشل میڈیا اکاؤنٹ پر دیے گئے لنک سے رجسٹریشن کرنی ہوگی۔ رجسٹریشن کے بعد ڈرائیورز کو حفاظت کی شرائط ماننی ہوں گی اور عہد نامہ پر دستخط کرنا ہوں گے۔ اس کے بعد انہیں شرکت کا سرٹیفکیٹ ای میل پر ملے گا۔ صرف رجسٹریشن کافی نہیں، ڈرائیورز کو 31 اگست کو ٹریفک قوانین جیسے سیٹ بیلٹ پہننا، رفتار کی پابندی، موبائل کا استعمال نہ کرنا اور پیدل چلنے والوں کو راستہ دینا لازمی ہے۔ کامیابی سے شرائط پوری کرنے پر 4 بلیک پوائنٹس کم کیے جائیں گے۔ یہ مہم نئے اسکول سال کے پہلے دن ہو رہی ہے تاکہ سڑکوں پر حفاظت کو فروغ دیا جائے۔ یہ خبر ای آر اے نیوز گلف سے لی گئی ہے۔