ایف ٹی اے نے کمپنیوں کو ٹیکس ریٹرن جمع کرانے کی ہدایت جاری کی

متحدہ عرب امارات میں کام کرنے والی کمپنیوں کے لیے اہم اطلاع ہے۔ فیڈرل ٹیکس اتھارٹی نے تمام کمپنیوں اور کاروباری اداروں کو ہدایت کی ہے کہ وہ اپنے کارپوریٹ ٹیکس ریٹرن مقررہ وقت میں جمع کرائیں اور واجب الادا ٹیکس ادا کریں۔ جن کمپنیوں کا مالی سال 31 دسمبر 2025 کو ختم ہوا ہے، انہیں 30 ستمبر 2026 تک ٹیکس ریٹرن اور ادائیگی مکمل کرنا ہوگی۔ اس میں وہ کمپنیاں بھی شامل ہیں جو اسمال بزنس ریلیف کی اہل ہیں۔ جو افراد ٹیکس سے مستثنیٰ ہیں لیکن رجسٹریشن لازمی ہے، انہیں بھی سالانہ ڈیکلریشن نو ماہ کے اندر جمع کرانا ہوگا۔ مقررہ وقت کے بعد ریٹرن جمع کرانے والوں پر انتظامی جرمانے عائد کیے جا سکتے ہیں۔ یہ خبر ای آر اے نیوز گلف سے لی گئی ہے۔