دبئی میں ڈاکٹروں کیلئے سوشل میڈیا اکاؤنٹس الگ رکھنے کا حکم جاری

دبئی میں کام کرنے والے ڈاکٹروں اور ہیلتھ کیئر پروفیشنلز کے لیے نئی ہدایات جاری کی گئی ہیں۔ دبئی ہیلتھ اتھارٹی کے مطابق، انہیں اپنا ذاتی اور پیشہ ورانہ سوشل میڈیا اکاؤنٹ الگ رکھنا ضروری ہے۔ ذاتی اکاؤنٹ پر موجودہ یا سابق مریضوں سے رابطہ نہیں کیا جا سکتا۔ سوشل میڈیا پر میڈیکل اشتہارات دیتے وقت صرف وہی نام اور ٹائٹل استعمال کرنا ہوں گے جو ڈی ایچ اے لائسنس پر درج ہیں۔ ڈاکٹروں کو معلومات درست، آسان اور بین الاقوامی معیار کے مطابق فراہم کرنا ہوگی۔ مریضوں کی پرائیویسی اور ڈیٹا کا تحفظ ہر صورت لازمی ہے۔ کسی بھی قسم کی گمراہ کن یا خوف پر مبنی معلومات شیئر کرنا منع ہے۔ یہ ہدایات وزٹنگ ہیلتھ کیئر پروفیشنلز پر بھی لاگو ہوں گی۔ یہ خبر ای آر اے نیوز گلف سے لی گئی ہے۔