فجیرہ میں نوجوانوں کی خطرناک ڈرائیونگ اور رات گئے اجتماعات پر پولیس کی سخت کارروائی

فجیرہ میں گرمیوں کی چھٹیوں کے دوران نوجوانوں کی خطرناک ڈرائیونگ اور رات گئے سڑکوں پر شور شرابے کی شکایات میں اضافہ ہوا ہے۔ پولیس نے اس حوالے سے نگرانی بڑھا دی ہے اور خاص طور پر مشہور مقامات اور بائی پاس پر گشت میں اضافہ کیا گیا ہے۔ پولیس کا کہنا ہے کہ ٹریفک قوانین، اسپیڈ لمٹ اور سیٹ بیلٹ کے اصولوں پر سختی سے عمل کرایا جائے گا۔ سٹنٹ ڈرائیونگ یا بغیر لائسنس گاڑی چلانے والوں کے خلاف زیرو ٹالرنس پالیسی اپنائی جائے گی۔ والدین کو تاکید کی گئی ہے کہ وہ بچوں کو بغیر لائسنس گاڑی نہ دیں اور رات گئے سرگرمیوں پر نظر رکھیں۔ رہائشیوں سے کہا گیا ہے کہ مشکوک اجتماعات یا خطرناک ڈرائیونگ کی اطلاع پولیس کو دیں۔ یہ خبر ای آر اے نیوز گلف سے لی گئی ہے۔